Хойд Солонгосын бусад улсад мэдэгдэхийг хүсдэггүй аймшигт үнэн

БНАСАУ бол дэлхийн хаалттай орнуудын нэг билээ.  Тэгвэл энэ улсын талаар аймшигтай үнэнийг дэлгэхээр бэлдсэн юм. Тус улс нь ядуурал, өлсгөлөнд нэрвэгдсэн. Гэвч удирдагч нь том улс гүрнүүдийг сүрдүүлэх зорилгоор удаа дараа пуужингийн туршилт хийсээр байна.

Өлсөж нас барсан хүүг хэн ч анзаараагүй

Харин одоо та бүхэн энэ хүүгийн зургийг харж байгаа байх. Тэр арван настай ч биедээ ахадсан зовлон тээж явсан юм. Тэрээр гэр бүлээ атга будаагаар тэжээхийн тулд өөрөө олон яард газар алхаж, цэргүүдийн ачааг тээвэрлэдэг аж. Одоо тэрбээр өлсөж цанган, ядарсандаа зам дээр суугаагаараа амьсгал хураажээ. Гэтэл томдсон хувцастай, шаналан байж ийм байдалтай хорвоог орхисон түүнийг нэг ч хүн анзаарсангүй. Зүгээр л дэргэдүүр нь өнгөрч байсан аж.

Түүнчлэн шоронгийн хоригдлууд нь ч зовлон зүдгүүрт амьдралыг туулан, тамд байгаа мэт өдөр хоногийг өнгөрөөдөг аж. Тэд тэсгэл алдам хүйтэнд гадаа хөдөлмөр эрхэлж, хөлдөж үхэх ч тохиолдол байдаг гэнэ. Харин харгалзагч нар нь тэдний өрөвдөлтэй амьдрал хэзээ хэрхэн төгсөхийг нь хүлээдэг тухай бичигдэн үлджээ. Энэ нь тэднийг гэм буруутай үйлдлийнхээ хариуг хүлээн авлаа гэж үздэгтэй холбоотой байж магадгүй юм.

Энэ бол удирдагч Ким Жон Уны бусад улсад харуулахыг хүсдэггүй аймшигт үнэний нэг хэсэг нь билээ.

Өлсгөлөн иргэддээ бус дайн тулаанд анхаардаг удирдагч

Тамд байгаа мэт аймшигтай үйл явдал энд болдог. Хэдий инээмсэглэсэн, өөртөө итгэлтэй удирдагчдын зураг айл гэрийн хойморт хадаатай боловч иргэдийнх нь харцны гал цог бөхсөн улс юм. Учир нь харанхуй хаалттай энэ улсад юу болж байгааг хэн бүр мэдээд байдаггүй. Хүн харанхуйд сайн харж чадна гэж үү?

Харин тэр түнэр харанхуй дундах аймшигтай зүйлийг ил болгохоор Английн “Mirror” сайтын сэтгүүлч Виллиам Хагю зориглон зорьжээ. Тэрбээр 2013 онд бичсэн нийтлэлдээ, “Пхеньянд нийт 40 удаа пуужингийн туршилт хийсэн. Харин энэ тухай ам алдсан хүнд хатуу шийтгэл тулгана гэж ажилчдаа сүрдүүлдэг. Ингэснээр туршилтын ажилд оролцсон хүмүүс нь сэрэмжтэй ажлаа хийдэг” гэжээ.  

Энэ үеэр Лондонд болсон Их Наймын уулзалтын үеэр Гадаад Хэргийн Яамнаас хэлэхдээ, “Хэрвээ БНАСАУ өөр пуужин юмуу цөмийн туршилт хийх юм бол цаашид чухал арга хэмжээнүүд авах болно” гэж байжээ. Мөн нэмж хэлэхдээ, “Бидний цаашдын авах арга хэмжээнүүд одоогоор тодорхойгүй. Гэхдээ бид арга хэмжээ гэдэг нь шийтгэлийн тухай ярьж байна” гэсэн байна.

Удирдагч Ким өлсгөлөн иргэдийнхээ тухай тоомжиргүй ханддаг. Тэр зөвхөн БНСУ-тай байлдах тухай л санаа тавьдаг гэнэ. Иймд цэргийн бэлтгэл, хоол хүнсийг хангаж байдаг ч иргэдээ анхаардаггүй хэвээрээ байгаа аж.

БНХАУ-ын Яанг Ганг гэх газраас энэ нууц зургийг авсан юм. Энэ бол БНАСАУ-ын нууц бүс билээ. Ийшээ том машинд ачсан сая сая фунт стерлингийн үнэтэй зэвсгийг тээвэрлэн оруулсан. Харин газар асгарсанг нь хүүхдүүдээр түүлгэж байгаа дүр зураг юм. Мэдээж энэ ажлыг өлсөж цангасан хүүхдүүд аяга хоолны төлөө хийж байгаа аж.

Энд та бүхэн өсгийтэй гутал, цэргийн дүрэмт хувцас өмссөн эмэгтэйг харж байгаа бизээ.  Тэр бол хүүхдүүдийг зугтахаас сэрэмжлэн харан зогсож буй харгалзагч юм.

Мөн тус улстай холбоотой нэгэн аймшигт яриа бий. Энэ нь нэгэн эрэгтэйг буудаж цаазаар авчээ. Гэвч түүний цогцосны талаар нь өөр хүмүүсийг хооллож, үлдсэн хэсгийг нь амьтанд хаяж өгсөн гэдэг. Энэ бол хүний ч санаанд орохын аргагүй аймшигт үйл явдал юм.

Улсаасаа зугтсан иргэд баригдах юм бол тэднийг цаазаар авах ял хүлээж байдаг. Энэ тухай Удирдагч Ким хэлэхдээ, “Хэрвээ улс дотор болдог зүйлийг ил болгох юм бол Өмнөд, Хойд хамаагүй энэ бол гэмт хэрэг” гэдэг аж.

Үнэн бодит зургийг нь авсан зурагчинг хөнөөсөн

Одоо БНАСАУ-д өлсгөлөн нэрвэгдээд байна. Үүний улмаас олон хүүхдэд амьсгал хурааж байгаа юм. Харин тэдний зургийг авч байсан нэгэн гэрэл зурагчныг буудаж амийг нь хөнөөсөн гэдэг. Тэрээр БНХАУ-ын хилээс нууцаар гэрэл зураг дарсан хүн байсан аж.

Түүний камерт үлдсэн гэрэл зураг, бичлэгт нь хоригдлуудын амьдрал, өлссөн хүүхдүүд, ой модны ойролцоо орших өрөвдөлтэй тосгон гэх мэт аймшигтай дүр зургууд нь үлдсэн гэдэг. Хоригдлууд нь цэргийнхээ баазад мод бэлтгэх, чулуу хагалах зэрэг хүнд хөдөлмөр эрхэлдэг гэнэ. Мэдээж түүнийг харахад нүд халтирам байсан болов уу. Цэргүүд нь хоригдлуудтай араатан амьтнаас дор харьцаж, зодон, тамлаж байсан гэдэг.

Гэмт хэрэгтнүүд нь хоолны хомсдолд орох нь энгийн үзэгдэл

Эмнести Интернэшнлийн Ражив Нараяан нэгэн БНАСАУ-ын хоригдлуудтай холбоотой судалгаа хийжээ. Үүний үр дүнд “Гэмт хэрэгтнүүд нь хоолны хомсдолд орох нь тэдний хувьд энгийн үзэгдэл” гэх дүгнэлт гаргасан байна. Хоригдол гэлтгүй гудамжинд өлсөн амиа алдсан хүүг ч тоодоггүй улс шүү дээ. Харин харгалзагч нарын хувьд бол “Өлсөж буй хүүхдэд тусалж буй нэг зүйл нь тэдний төлөө юу ч хийхгүй байх” гэдэг үзэл бодол аж.

Та бүхэн одоо хөдөлмөр эрхэлж буй иргэдийн зургийг үзэж байна. Энэ бол зөвхөн хоолны л төлөө хөдөлмөр эрхлэлт.

Мөн зугтаж явсан иргэд улсдаа эргэн ирэх юм бол тэднийг шорон угтан авдаг. Тэдний хоол хүнс нь хязгаартай. Хэрвээ нэг л хоригдол ажлын хэмжээндээ хүрэхгүй ажил гүйцэтгэсэн бол бүгдээрээ тэр өдрөө хооллох эрхгүй болдог. Иймд олон хүн хоол тэжээлийн дутагдалд орж, шаналдаг. Эндээс л харх, могой зэрэг амьтдаар хооллосон гэх аймшигт түүхүүд гардаг юм.

Эмэгтэйчүүдийн үнэ цэнэ энэ улсад байхгүй л болов уу. Учир нь гэр бүлээ тэжээн, мөнгө олохын тулд эмэгтэйчүүд нь БНХАУ руу сексийн боол болох зорилгоор явдаг. Энэ үедээ алдаа гаргах юм бол хатуу шийтгэл, эрүүдэн шүүлт хүлээдэг аж. Бүр цаазаар авсан тохиолдол ч бий.

Харин дээрх дурдсан зүйлс бол бидний мэдэж авсан тайлангийн энгийн хэсэг юм шүү.

Г.Хүслэн

Эх сурвалж: WWW.ZINDAA.MN