Афганистанд халдлагууд болж 60 гаруй хүний амь үрэгдлээ

Афганистаны Кабул хот болон Гор мужийн сүмд урд шөнө халдлага болжээ. Халдлагаар 60 гаруй хүн амь үрэгдсэн талаар “RT” агентлаг мэдээллээ. Нийслэл Кабул хот дахь шийт шашны сүм рүү амиа золиослогч этгээд дайран орж тэсрэх төхөөрөмж дэлбэлсний улмаас 40 хүний амь үрэгдэж, 45 хүн шархаджээ. Тэгвэл Гор мужид суннит урсгалын сүмд мөн л амиа золиослогч дэлбэрэлт үйлдсэн байна. Энэ үеэр 20 гаруй хүн амиа алдаж, 10 иргэн шархаджээ.

Халдлагуудад “Исламын улс” бүлэглэлийг сэжиглэж байгаа аж. Хэт даврагч энэ бүлэглэл нь Афганд нууц газар үүрлэсэн гэсэн тагнуулын мэдээлэл бий. Террористууд хүн олноор цуглардаг газар халдлага үйлдэх атгаг санаатай билээ.

О.Чанцаа

WWW.ZINDAA.MN