В.Путин юунаас болж Борис Немцовыг хөнөөсөн байж болох талаар баримт дэлгэжээ

Борис Немцов: “Путиныг Бен Алигийн адил төгсгөл хүлээж байгаа”

Борис Немцов 1959 онд Краснодарск мужын Сочи хотод төрсөн. Горьковскийн Улсын Их сургуулийг радиофизикч мэргэжлээр төгссөн бөгөөд 1990 онд РСФСР-ийн ардын депутат, дээд зөвлөлийн гишүүн, 1995 онд Нижегород мужын губернатор, Елциний засгийн газрын үед Түлш цахилгааны Сайдаар ажиллаж байжээ. 2004 оноос Чөлөөт сонголт байгууллагыг байгуулан ажиллаж байв. 

2015 оны хоёрдугаар сарын 27-ны 23:15 цагийн үед Оросын нэртэй улстөрч, сөрөг хүчний удирдагч Борис Немцов бусдын гарт амиа алджээ. Тэрээр Улаан талбайгаас 200 орчим метрын зайд орших "Большой Камменный" хэмээх гүүрэн дээр найзын хамт алхаж явах үед цагаан автомашинтай  этгээдүүд дөрвөн удаа буудаад хэргийн газраас зугтсан аж.

Оросын нэртэй услтөрчийн амийг хөнөөсөн алуурчдыг эрэн хайх ажил одоо хүртэл явагдаж байгаа юм. Алуурчдын унаж явсан автомашины дугаарыг илрүүлсэн тухай мэдээлэл цацагдаж байсан ч хэрэг өнөөдрийг хүртэл илрээгүй. 
ОХУ-ын Ерөнхийлөгч В.Путин Борис Немцов алагдсан талаар мэдээлэл авсны даруй гэр бүлийнхэнд нь эмгэнэл илэрхийлж, "Энэ бол улс төрийн захиалгат аллага" гээд, мөрдөх ажиллагааг өөрийн биеэр хянаж ажиллахаа мэдэгдэж байлаа. Гэвч тус аллагад олон нийт болон зарим хэвлэл В.Путиныг буруутгадаг юм. В.Путины эсрэг ноцтой мэдэгдлүүдийг хийхийн зэрэгцээ түүний хамгийн хүчтэй өрсөлдөгч байсан Б.Немцовын В.Путины захиалгаар хөнөөсөн гэдэг хардлага улам хүчтэй тэлсээр байна. 

Борис Немцов Le Nouvel Observateur-д өгсөн ярилцлагадаа шинэ оны өмнө хэрхэн баривчлагдсанаа дэлгэрэнгүй ярьжээ.  Баривчлагдсан эхний хоёр өдрөө тэр ус, гэрэл, бие засах суултуургүй 1-ийг харьцах 3 метрын бетоннон камерт өнгөрөөжээ. Дараа нь түүнийг нийтийн камерт 13 эрүүгийн элементийн хамт хорьжээ. Тэрээр намайг сулласаны дараа тэдэнд хэн нэг нь хэрвээ намайг хүчирхийлсэн гэж ярьвал 3000 доллар санал болгосон боловч, харин тэд татгалзсан төдийгүй надад анхааруулсан" гэж ярьжээ. Энэ өдөөн хатгалтыг залуусын "Наши" хөдөлгөөнийг үүсгэн байгуулсан Путины ойрын хүн Василий Якеменко гэдэгт Немцов итгэлтэй байгаагаа өгүүлжээ.
Немцов түүнийг баривчлагдсан байхад Михаил Горбачев хоёр удаа утасдсаныг мөн ярьсан байдаг. Эхний удаа шоронгоос дөнгөж гарсаны дараа утасдаж “Борис чиний зөв шүү, бууж өгч болохгүй” гэж хэлсэн. Хоёрдахь удаагаа өдөөн хатгалтын түүх өнгөрсөний дараа залгаж “Борис болгоомжтой байгаарай, энэ хүмүүс юунаас ч буцахгүй”гэж анхааруулсан. “Тэрээр Путины хүмүүсийн тухай ярьсан, тэдний юу ч хийж чадахыг мэднэ”
Немцовын бодлоор Николя Саркози “манай оронд муу тусыг хүргэж, олон улсын тавцанд Путины өмгөөлөгчөөр ажиллаж байна, байгалийн хийний хэрэгцээнээсээ болж Орос оронд хүний эрх зөрчигдөж байгааг ярихгүй байна, тийм “бодит улс төр” “алсын хараагүй” гэжээ.
Өөрийн баривчлагдсаныг “Путин миний амыг хамхихыг хүсэж байна” гэж тайлбарласан. "Би түүнд айдас төрүүлж байгаа, авлигад идэгдсэн түүний дэглэмийн тухай миний илтгэлийг бүх дэлхий уншиж байна. Хамгийн сүүлд нийтлэгдсэн илтгэл түүний ойрын найз Геннадий Тимченкод зориулагдсан, тэр манай орны нефтийн олборлолтын гуравны хоёрыг хянаж байгаа юм" гэх зэргээр ярьсан гэнэ.
Немцов сурвалжлагч Венсан Жовертай ярилцахдаа Үндсэн хуулийн 31 дүгээр зүйлийг хамгаалсан уламжлалт жагсаалыг харгисаар хөөн тараасан нь “засгийн газрын үнэн нүүр царайг харуулж байна”, “Путины Орос орон эрх зүйгүй, мафийн, «үндэсний лидерийн» хэдхэн найзад үйлчилдэг улс” гэж зарласан байдаг.
Борис Немцов цааш нь хөдөлгөөний гол зорилго бол 2024 он хүртэл Путиныг ерөнхийлөгчөөр ажиллуулахгүй байх, энэ бол сүйрэл гэдгийг хүмүүс ойлгож эхэдлээ, бид олуулаа болж, өргөжиж байна, Путиныг Бен Алигийн адил төгсгөл хүлээж байгаа гэдэгт би эргэлзэхгүй, тэр нэг өдөр зугтааж, өөрийн найз Берлусконид орогноно биз, Пушкины талбайд 100 000  хүний жагсаал болоход хангалттай, түүнийг хэн ч хамгаалахгүй гэж ярьжээ.
Ерөнхийлөгч Медведевийн тухайд тэр “царайлаг блогчин”, харин түүний ярьсан зүйлд ямар ч ач холбогдол байхгүй, тэр ямар ч эрх мэдэлгүй гэж хэлсэн. Энэхүү яриа болон үзэл бодлынх нь төлөө В.Путин түүнийг захиалгаар хөнөөсөн гэж "Le Nouvel Observateur" сайтад бичсэн байна.

С.Төгөлдөр