Австрийн Вена хотод морин хуурын анги нээгдэнэ

Австри улсын Вена хотноо орших “Франц Шуберт”-ийн нэрэмжит консерваторид морин хуурын анги нээгдэхээр болжээ. Тус консерваторийн оюутан, морин хуурч Б.Санжаажав энэхүү санаачлагыг анх гаргасан байна. Тэрбээр энэ тухай өөрийн цахим хуудаснаа ийнхүү мэдэгджээ. “Өнгөрөгч 2016 оны есдүгээр сард миний бие Австри улсын Вена хотноо орших “Франц Шуберт”- ийн нэрэмжит нарийн мэргэжлийн хөгжмийн консерваторийн сургалтын системд “Морин хуур” хөгжмийг нэвтрүүлэх тухай хөтөлбөр, төслийг оруулсан билээ. Консерваторийн сургалтын алба болон удирдах зөвлөл хэлэлцсэний үр дүнд “Франц Шуберт”-ийн нэрэмжит нарийн мэргэжлийн хөгжмийн сургуульд албан ёсоор “Морин хуур”-ын ангийг нээх шийдвэр гаргалаа” гэжээ.

2017 он 06,07 сар "Зиндаа" сэтгүүл №05/505