В.Путины санаачилсан авлигатай тэмцэх хуулийн төслийг хэлэлцэнэ

2018 оны 04 сарын 10

ОХУ-ын Ерөнхийлөгч Владимир Путины санаачилсан авлигатай тэмцэх багц хуулийн төслийг ойрын хугацаанд Төрийн дум дээр хэлэлцэхэд бэлтгэсэн бөгөөд энэ хуулиар авлигатай тэмцэх ажлыг эрчимжүүлнэ гэж сэтгүүлчдэд Төрийн думын дарга Вячеслав Володин хэлсэн байна.

“Ерөнхийлөгчийн санаачилсан авлигатай тэмцэх хууль авлигатай тэмцэх ажилд урагштай ахиц дэвшил гаргуулна. Авлига улс орныг сүйрүүлж, эдийн засагт хохирол учруулдаг, улс орны хөгжилд саад болдог үзэгдэл” гэж тэр хэлжээ. “Өмнө нь баталж байсан авлигатай тэмцэх арга хэмжээ үр дүнгээ өгсөн. Засаг нээлттэй болж, тэдний үйл ажиллагаатай холбоотой мэдээлэл ил тод болж, иргэдэд үзүүлдэг үйлчилгээний чанар нэмэгдсэн” гэж тэрээр нэмж хэлсэн байна.

Ерөнхийлөгч Путин өмнө нь хууль тогтоомж санаачлан Төрийн Думаар оруулж батлуулж байсан. Тухайлбал, төрийн албан хаагчдын авлигатай холбоотой зөрчилд сахилгын арга хэмжээ авах, авлигын гэмт хэргийг үйлдсэнээс хойш гурван жилийн дотор хариуцлага тооцох гэх мэтээр төсөл боловсруулан батлуулсан.

Эх сурвалж

АВЛИГАТАЙ ТЭМЦЭХ ГАЗАР


Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
O (203.91.117.8)  2018 оны 04 сарын 10

Ene huulias avldaa

0  |  0
Top