Ким Жон Ун хүнсний үйлдвэрт зочилжээ

Хойд Солонгосын удирдагч Ким Жон Ун өмнөд Hwanghae мужийн "Geumsan" компанийн хүнс боловсруулах үйлдвэртэй танилцсан талаар Хойд Солонгосын хэвлэл мэдээллийн хэрэгслүүд мэдээлжээ. Хойд Солонгосын хэвлэл мэдээллийн хэрэгслүүдийн мэдээлснээр өнгөрсөн жил уг үйлдвэрийг ашиглалтанд оруулсан бөгөөд энэ жилээс давсалсан загас, канар, загасны түрс, далайн ургамал зэрэг 30 гаруй төрлийн хүнсний бүтээгдэхүүн үйлдвэрлэх ажээ.

Тэрээр хэлэхдээ: "Давсалсан загас бол эрт дээр үеэс манай ард түмэн идэж байсан амттай, тэжээллэг хоол хүнсний нэг  юм. Тэнгис далайгаар хүрээлэгдсэн манай улсад загас агнуурын олон төрлийн  нөөц байдаг.  Хүнсний үйлдвэрт бид эхлээд эрүүл ахуй, аюулгүй байдал, бүтээгдэхүүний чанарыг онцгой анхаарч үзэх хэрэгтэй. Бид ард түмний хүнсний хэрэгцээнд үйлдвэрлэсэн бүтээгдэхүүнээ нийлүүлэхийн өмнө бүтээгдэхүүний чанарын хяналтыг нягт нямбай хийх ёстой. Бид давсалсан загасны бүтээгдэхүүний амт чанарыг сайжруулах, үйлдвэрлэх салбаруудын тоог нэмэгдүүлэх, корпорацийн стратеги, менежментийн стратегийг бий болгох, дэвшилтэт технологийг идэвхтэй хайж нэвтрүүлэхийн тулд шинжлэх ухаан, технологийн асуудлуудыг шийдэх болно. Энэ нь хүмүүсийн хоол хүнсний хангамжид мэдэгдэхүйц хувь нэмэр оруулж чадах  үйлдвэр байх ёстой. Мөн хэрэглэгч, оршин суугчдын санал бодлыг сонсож бүтээгдэхүүн хөгжүүлэлтэд тусган,  бүтээгдэхүүний чанарыг сайжруулах ёстой. Энэ  үйлдвэр нь анхны үйлдвэр учраас би үр ашигтай үйлдвэр байх уу гэдэгт санаа зовоогүй, уул уурхай шиг овоолсон бүтээгдэхүүнийг харахад би бахархаж байна"  гэжээ.

Энэхүү үйлдвэр нь Хойд Солонгосын цэргийн ажиллагаатай орчин үеийн хүнс боловсруулах үйлдвэр юм. Ким Жон Ун 2015 оны 3-р сард уг үйлдвэрийн барилгын ажилтай танилцаж байжээ.

Эх сурвалж

www.asiatoday.co.kr

Уянга-Ундрал