Э. Макрон дэлхийн худалдааны асуудлаар дээд хэмжээний уулзалт зохион байгуулна

  Францын Ерөнхийлөгч Эммануэл Макрон ирэх 11 дүгээр сард дэлхийн худалдааны асуудлаар дээд хэмжээний уулзалт зохион байгуулах санал дэвшүүлжээ. Тэрбээр Элчин сайд нартайгаа уулзалт хийж, АНУ, Европын Холбоо, Хятад, Японы удирдагчдыг дээд хэмжээний уулзалтдаа урихаар төлөвлөж байгаагаа хэлсэн байна. “RT” агентлагийн мэдээлснээр Эммануэл Макрон Элчин сайд нартайгаа уулзахдаа “Дэлхийн худалдааны дүрэм журам шаардлага хангахгүй байна. Худалдааны шударга бөгөөд ашигтай тогтолцоог хэдэн сарын дотор бий болгох боломжтой” гэжээ.

Францын Ерөнхийлөгч дэлхийн худалдааны асуудлаарх дээд хэмжээний уулзалтыг Дэлхийн I дайн дууссаны 100 жилийн ойтой давхцуулан хийх төлөвлөгөөтэй байгаа аж.

О.Саша

WWW.ZINDAA.MN