Эбола вирусээр өвчилсөн хүмүүс энгийн амьдралдаа орохоор хичээж байна
Баруун Африкт гарсан үхлийн аюулт Эбола вирусээр өвчлөөд амьд үлдсэн хүмүүс олон. Сьерра-Леонед л гэхэд энэ өвчнөөр бараг 4000 хүн амиа алджээ. Эдгэх боломжтойг нь тусгаарлан эмчилж байсан билээ. Тэд одоо эргэн энгийн амьдралдаа орохоор хичээж байна. Эдгээр хүмүүсийн талаар “Эбола. Амьд үлдэгсэд” гэх баримтат кино гарчээ. Кинонд сүүлийн жилүүдэд гарч байгаагүй энэхүү аюулт өвчний хор уршигийн талаар өгүүлэх аж.
Эбола вирус нь 2014 оны хоёрдугаар сард Гвинейд анх дэлгэрсэн. Өвчин маш хурдан хугацаанд хөрш Сьерра-Леоне, Либерия, Мали, Нигери улсууд руу нь тархсан байдаг. Дэлхийн эрүүл мэндийн байгууллагын мэдээллээр хоёр жилийн хугацаанд 28.5 мянган хүн Эбола-гаар өвчилсний 11 мянга гаруй нь амиа алджээ. Энэхүү аймшигт өвчний тархалтыг дарахад олон улсын тусламж дэмжлэг чухал байсан юм. ДЭМБ, Европын Холбоо, АНУ болон Оросын мэргэжилтнүүд хамгийн их нөлөө үзүүлжээ.
О.Саша
Холбоотой мэдээ
Сэтгэгдэл ( 0 )