Burberry борлогдоогүй бүтээгдэхүүнээ шатаахгүй
Британийн тансаг зэрэглэлийн бүтээгдэхүүн үйлдвэрлэгч Burberry зарагдаагүй бараагаа шатааж устгахаа зогсооно гэж мэдэгджээ. Алдарт загварын брэнд мөн жинхэнэ ангийн үс ашиглахаа болих юм байна.
2017 онд Burberry өөрийн брэндийг хамгаалах зорилгоор 28.6 сая фунтын өртөг бүхий хувцас, аксессуар, үнэртэн зэргийг устгалд оруулжээ.
Burberry зэрэг загварын компаниуд өөрсдийн бүтээгдэхүүнээ хулгайлах, хямд үнээр борлуулахаас сэргийлж устгадаг аж. Burberry одоогийн байдлаар туулай, үнэг, усны булга, элбэнхийн арьсыг өөрийн коллекцид ашиглаж байгаа бөгөөд ойрын ирээдүйд үүнийгээ зогсоох юм байна.
Өнгөрсөн оноос тус компани sustainable luxury бүтээгдэхүүн үйлдвэрлэгч Elvis & Kresse компанитай хамтран ажиллаж байгаа бөгөөд ирэх 5 жилд 120 тонн арьсны өөдсийг дахин боловсруулж шинэ бүтээгдэхүүн үйлдвэрлэхээр ажиллаж байгаа аж.
Burberry компанийн гүйцэтгэх захирал Марко Гоббеттигийн хэлснээр орчин үед тансаг гэсэн ойлголт нь нийгмийн болон байгаль орчны хариуцлагатай байна гэсэн үг. Ийм итгэл үнэмшил Burberry брэндийн ирээдүйн амжилтын түлхүүр юм. Учир нь бид бүтээгдэхүүн бүртээ шинэлэг, бүтээлчээр хандахыг эрмэлздэг гэв.
Я.Болор
WWW.ZINDAA.MN
Холбоотой мэдээ
Сэтгэгдэл ( 1 )
shataaj bhaar uniig n hyamdruulaad zarj boldoggui yum bh daa