НҮБ Украины газар нутгийн бүрэн бүтэн байдлыг хамгаална

  НҮБ-ын Ерөнхий нарийн бичгийн дарга Антониу Гутерреш Украины Ерөнхийлөгч Петр Порошенкотой тус улсын зүүн хэсгийн нөхцөл байдлын талаар ярилцжээ. Энэ талаар НҮБ-ын хэвлэлийн албанаас мэдээлсэн байна. Антониу Гутерреш Украин болон НҮБ-ын харилцаа, хамтын ажиллагааг дэмжиж байгаагаа хэлжээ. НҮБ бүрэн эрхийнхээ дагуу Украины тусгаар байдал, газар нутгийн бүрэн бүтэн байдлыг хамгаална гэдгийг Антониу Гутерреш мэдэгдсэн байна.

Украины Ерөнхийлөгч Петр Порошенко өмнө нь НҮБ-ын Ерөнхий нарийн бичгийн даргад Киев Оростой найрамдах тухай гэрээнд шинэ зүйл оруулахгүйг хэлж байжээ. Антониу Гутерреш Украинд энх тайван тогтооход хүчин чармайлт гаргана гэдгээ өнгөрсөн сард мэдэгдэж байсан юм.