Доналд Трамп: Ардчилсан намынхан АНУ-ыг Венесуэл шиг болгох гэж байна

  АНУ-ын Ерөнхийлөгч Доналд Трамп Ардчилсан намынхныг АНУ-ыг Венесуэл шиг болгохыг хүсч байна гэж буруутгав. Тэрбээр Теннесси мужид тавьсан илтгэлдээ мөн “Ардчилсан нам бол гэмт хэргийн нам. Тэд АНУ-ын гудамжийг гадаадын гэмт хэрэгтнүүдээр дүүргэх гэж байна” гэсэн байна.

Америкийн Ерөнхийлөгч Ардчилсан намынхны цагаачлалын болон хилийн аюулгүй байдлын асуудлаарх байр суурийг шүүмжилжээ. Трамп өмнө нь хилээ нээлттэй байлгахыг хүсдэг Ардчилсан намын гишүүдийг чадваргүй улстөрчид гэж байсан билээ.