Жонни Депп эхнэрээ зодсон эсэхээ анх удаа ярив
Холливудын алдарт жүжигчин Жонни Депп Их Британийн GQ сэтгүүлд ярилцлага өгөхдөө хоёр жил орчмын өмнө Амбер Хердэд гар хүрсэн эсэх асуудлаар анх удаагаа ам нээжээ.
GQ-гийн сэтгүүлч “Үнэхээр та зодсон юм уу?” гэж асуухад Депп “Хайртай хүнээ өвтгөнө гэж үү? Үгүй ээ, би хэзээ ч тэгэхгүй. Магадгүй би тэнэг хүн шиг харагддаг биз. Гэхдээ тэнэг биш ээ” гэж Жонни Депп хариулжээ.
“Тийм ээ, би хэзээ ч үнсгэлжин шиг ариун гэгээн байгаагүй байж болно. Гэвч хэдхэн цагийн дотор л үнсгэлжин мэт байснаа мангас болж хувирсан. Бүр Квазимодо болж олонд харагдсан. 14 настай хүү маань сургуульдаа очиход “Хөөе, энэ сэтгүүлийг унш. Чиний аав чинь эмэгтэй хүнийг зоддог юм байна” гэж хэлэхийг сонсох хэцүү байсан байх. Яагаад миний хүү ийм зүйл сонсох ёстой гэж? Яагаад миний охид бас ийм хандлагад өртөх ёстой гэж? Тиймээс би энэ талаар тодорхой хариулт хэлье гэж бодсон” хэмээн Жонни Депп цааш ярьжээ.
Амбер Хердийн гомдлын дагуу хэргийг хянаж шалгахад хүч хэрэглэсэн, зодсон гэх нотолгоо олдоогүй. Гэлээ ч энэ асуудлаас болж гэр бүлээ цуцлуулахдаа Жонни Депп долоон сая ам.долларыг Амбер Хердэд өгөхөд хүрсэн билээ.
Холбоотой мэдээ
Сэтгэгдэл ( 1 )
Зодсон л юм биш үү. Өөр тэгээд хэнд ингэтлээ хөх няц болтлоо зодуулсан байх уу? Гэмт хэрэг учраас цагдаагийнхан хэргийг мөрдөж гэмт хэрэгтнийг олох ёстой шд. Тэгэхээр Амбер өөрөө бүх хэргийг булзайруулж хөгшин Жоннигоос салахдаа мөнгөтэй салахыг хүссэн байна.