Ким Жон Ун Ромын папыг эх орондоо урив

  Хойд Солонгосын удирдагч Ким Жон Ун Ромын пап Францискийг эх орондоо урьжээ. Уг урилгыг нь Өмнөд Солонгосын Ерөнхийлөгч Мүн Жэ Ин ирэх долоо хоногт Европт айлчлахдаа Ромын пап Францискт гардуулж өгөх гэнэ. Энэ талаар Мүн Жэ Иний хэвлэлийн албанаас мэдээлсэн байна.

Ким Жон Ун Ромын папыг урих хүсэлтэй байгаагаа өнгөрсөн сард Өмнөд Солонгосын Ерөнхийлөгч Мүн Жэ Инд хэлж байжээ.