“Майкл” хар салхи АНУ-ын цэргийн баазыг сүйтгэв

  “Майкл” хар салхины улмаас АНУ-ын Флорида муж дахь “Тиндалл” агаарын цэргийн хүчний баазад ноцтой хохирол учирчээ. Баазын барилга байгууламжууд бүхэлдээ эвдэрч сүйдсэн талаар албаны хүмүүс мэдээлсэн байна. Цэргийн баазын нисэх буудал болон засвар үйлчилгээний бүс бүхэлдээ сүйдсэн нь хамгийн их асуудал дагуулж байгаа аж.  

“Тиндалл” баазыг хааж, тасалдсан цахилгаан эрчим хүчийг сэргээхээр ажиллаж эхэлжээ. “Майкл” хар салхины хүч сулраад байгаа ч АНУ-д 30 тэрбум долларын хохирол учирсан талаар “RT” агентлаг мэдээлж байна.

Хар салхины улмаас амиа алдсан хүний тоо нэмэгдэж зургаа болжээ. АНУ-д учирсан хохирол 30 тэрбум доллароос ч илүү гарч болзошгүй байгаа аж.