Калифорнид “Өнгөрснөөс ирсэн” нацистын онгоц осолджээ

 АНУ-ын Калифорни мужид Дэлхийн II дайны үеийн Германы нисэх хүчний тэмдэг бүхий хуучны нисэх онгоц осолдсон хэрэг гарчээ.

ABC сувгийн мэдээлснээр, тус онгоц Condor Squadron ашгийн бус байгууллагын эзэмшилд байдаг Дэлхийн II дайны үед ашиглагдаж байсан нисэх онгоцны загвар бүхий хэд хэдэн нисэх онгоцны нэг юм. Эдгээр онгоцыг зарим баяр ёслол, баярын жагсаал зэрэг арга хэмжээнд ашигладаг гэнэ.

Ослын улмаас хүний амь үрэгдээгүй бөгөөд онгоцны нисгэгч бэртэл, гэмтэл аваагүй байна. Урьдчилсан байдлаар, онгоцны мотор ажиллагаагүй болсноор осол гарсан гэх дүгнэлт гараад байна.

Фашист бэлгэ тэмдэг бүхий онгоц осолдсон хэрэг Америкийн нийгмийн сүлжээнд анхаарал татаж, зарим хэрэглэгчид “Орон зай, цаг хугацааны хонгилоор дамжин өнгөрснөөс ирсэн онгоц” хэмээн хошигносон байна.

Я.Болор

WWW.ZINDAA.MN