Марселд байшингуудын нурангинаас цогцос гаргаж авсаар байна

  Францын Марсел хотод өчигдөр нурсан байшингуудын доороос таван хүний цогцос гаргаж авчээ. “Ассошейтэд пресс” агентлагийн мэдээлснээр хэдхэн цагийн өмнө нэг хүний цогцосыг нэмж гаргаж авснаар байшин нурах үеэр амиа алдсан хүний тоо тав болсон байна. Хотын прокурор Ксавье Тарабё өмнө нь дөрвөн хүн амиа алдсан талаар мэдээлж байсан юм.

Зэргэлдээ орших хоёр байшин нурах үеэр хоёр хүн гэмтэж бэртэн, есөн хүн сураггүй болж, таван хүн амиа алдсан нь тогтоогдоод байна. Сураггүй байгаа есөн хүний долоо нь уг байшингуудын оршин суугч, хоёр нь хажуугаар нь өнгөрч байсан хүмүүс аж.