ДУУЛИАН: Найз залуугаа хөнөөгөөд, махаар нь хоол хийжээ
Марокко улсын нэгэн эмэгтэй найз залуугаа хөнөөж, махаар нь хоол хийн, хүмүүсийг дайлсан хэрэг Арабын Нэгдсэн Эмират улсад гарчээ.
Аймшигт хэрэг гурван сарын өмнө гарсан ч эмэгтэйн хэрэглэж байсан блендерээс хүний шүд олдсоноор гэмт хэрэг саяхан ил болжээ. The National сонинд бичсэнээр, 30 гаруй насны тэр эмэгтэй найз залуутайгаа долоон жилийн турш үерхсэн бөгөөд найз залуу нь өөр эмэгтэйтэй гэрлэх болсноо дуулгасны дараа түүнийг хөнөөснөө хүлээн зөвшөөрчээ.
Яг хэрхэн хөнөөсөн нь тодорхойгүй байгаа ч найз залуугийнхаа махаар зурган дээр харагдаж буй үндэсний хоолыг хийж, ойр орчимд ажиллаж байсан үл таних ажилчдыг дайлсан болохыг цагдаагийнхан тогтоосон байна.
Талийгаачийн ах дүүгээ хайж эмэгтэйн гэрт очихдоо блендерт хүний шүд байхыг анх олж мэджээ. ДНК шинжилгээгээр эл шүд хохирогчийнх болох нь тогтоогдсон байна.
Одоо сэжигтэн эмэгтэйг сэтгэцийн эмгэгтэй эсэхийг шалгаж байгаа талаар The National сонин бичжээ.
Я.Болор
WWW.ZINDAA.MN
Холбоотой мэдээ
Сэтгэгдэл ( 9 )
Хүүхэд залууст хэрэгтэй шинэ сонин ШУ-ны ололт нээлтийн талаар бичихгүй дандаа ийм жихүүдэс хүрэм мэдээлэл нийтлэхээ болимоор юмаа.
Иймэрхүү мэдээлэл хүүхэд залуучуудад муугаар нөлөөлөх нь дамжиггүй.Аль болхоор ийм балай юмнаас зайлс хийж байх нь зүйтэй.
Ийм балай мэдээг орчуулж оруулж байхаасаа санаа зовохгүй байгаа бол танай сайт зүгээр л хогийн сав шиг болсон юм байна. Аливаад ёс зүй, бас гоо зүй гэж байдгийг сана. Уг нь танай сайтыг ийм шалгууртай гэж бодож байсан, гэтэл ийм мэдээлэл хүмүүс тэр дундаа залуу өсвөр үеийнхэнд хэрхэн нөлөөлөхийг тооцож үзсэнгүй. Шар сайт ч ийм мэдээг тоож тавихгүй. The National сонины мэдээ гэж томрох байх. Гэхдээ Монгол гэдэг өөр орчин, өөр хандлага, өөр ёс зүй, гоо сайхантай гэдгийг мартмааргүй юм
Мэдээнийх нь эхний өгүүлбэрээс эхлээд бөөн алдаа!!! Марокко улсын нэгэн эмэгтэй гэнээ. Монголоороо бичиж сур, монголоороо сэтгэж сур, төрлөх хэлээ сур!!!!!