”Союз” сансрын хөлөг олон улсын сансрын станцтай амжилттай холбогджээ
2018 оны аравдугаар сарын 3-ны өдөр “Байконур” сансрын хөлгийн буудлаас хөөрсөн “Союз МС-11” сансрын хөлөг “Мир” олон улсын сансрын станцтай амжилттай холбогдсон тухай “Роскосмос” корпораци мэдээлэв.
“Союз” хөлгийн багийн шинэ бүрэлдэхүүнд сансрын нисгэгч Олег Кононенко /ОХУ/, Энн Макклейн /АНУ/, Дэвид Сен-Жак /Канад/ нар багтжээ. Одоогоор сансрын станц дээр Сергей Прокопьев /ОХУ/, Серена Ауньон /АНУ/, Александер Херст /ЕХ/ нар ажиллаж байгаа аж.
Шинэ баг сансарт 194 хоног ажиллахдаа нийт 48 эрдэм шинжилгээний туршилт болон бусад ажлыг хийж гүйцэтгэх аж.
Аравдугаар сарын 11-нд олон улсын станц дээр шинэ баг хүргэх байсан сансрын хөлөг онгоц хөөрөх үедээ осолдож, багийн бүрэлдэхүүнд багтсан Алексей Овчинин /ОХУ/, Ник Хейг /АНУ/ нар аюулгүй газардсан тухай өмнө нь мэдээлж байсан билээ.
Я.БОЛОР
Холбоотой мэдээ
Сэтгэгдэл ( 0 )