"Одонгоо зүүцгээе" хүндэтгэлийн арга хэмжээ боллоо

Б.Амирдаа | Zindaa.mn
2019 оны 03 сарын 23

Халх голын байлдааны ялалтын 80 жилийн ой, Монгол цэргийн өдөр, Зэвсэгт хүчний 98 жилийн ойн баярыг тохиолдуулан Баянзүрх дүүргийн Засаг даргын Тамгын газар, Цэргийн штабаас ‘’Андуудаа одонгоо зүүцгээе’’ хүндэтгэлийн арга хэмжээг амжилттай зохион байгууллаа.

Уг арга хэмжээнд  дүүргийн ИТХ-ын нарийн бичгийн дарга Г.Болормаа, Засаг даргын орлогч Т.Батцогт, Засаг даргын Тамгын газрын дарга Б.Амартүвшин, Цэргийн штабын дарга Т.Амартогтох болон үе, үеийн ахмад офицерууд, албаны бусад хүмүүс оролцлоо.

‘’Андуудаа одонгоо зүүцгээе’’ хүндэтгэлийн арга хэмжээ жил бүр уламжлал болгон зохион байгуулагдаад 11 жил болж байгаа бөгөөд өнөөдрийн арга хэмжээнд 28 хорооны төлөөлөл болсон 560 гаруй ахмад дайчид, тэтгэвэр чөлөөнд байгаа бэлтгэл генерал, офицерууд оролцов хэмээн Баянзүрх дүүргийн ЗДТГ-ын Хэвлэл мэдээллийн албанаас мэдээллээ.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top