Эрүүдэн шүүсэн бичлэгийг хэвлэлийнхэнд үзүүлэхээр боллоо

З.Тэмлүүн | Zindaa.mn
2019 оны 03 сарын 28

С.Зориг агсны амь насыг хөнөөсөн хэргээр ял сонссон ялтнуудыг эрүүдэн шүүсэн гэх бичлэгийг маргааш /2019.03.29/ хэвлэлийнхэнд үзүүлэхээр болжээ. Ингэхдээ "Камер, бичих ямар нэгэн төхөөрөмж ашиглуулахгүйгээр бичлэгийг үзүүлж, хэвлэл мэдээллийнхний мэдэх эрхийн хангана" гэж Засгийн газрын хэвлэлийн албанаас мэдэгдээд байна.

Засгийн газрын хэвлэл мэдээллийн албаны дарга Ц.Ганзориг энэ талаар "Монгол улс үндсэн хуулиндаа хүний язгуур эрхүүдийг хамгаалж, хангана гэдгээ тунхагласан улс. Олон улсын гэрээ, конвенциудад ч нэгдэж, эрүүдэн шүүх, зүй бусаар эрхийг нь зөрчихгүй байх үүрэг хүлээсэн тусгаар улс. Хэвлэл мэдээлэл, сэтгүүлчид нийгмийн эмч гэгддэг. Сэтгүүлчид мэдэх эрхтэй, баримтууд дээр тулгуурлаж мэдээллэх үүрэгтэй. Зүй бус яргалал, хүч хэрэглэсэн зүйлийг нийгэм даяар үзүүлэх нь сөрөг үр дагавар өндөртэй байдаг. ЗГХЭГ-ын дарга болон ХЗДХ-ийн сайдын хамтаар Төрийн ордны иргэний танхимд 11.00 цагаас бичлэгийг сэтгүүлч, хэвлэл мэдээллийнхэнд хаалттай үзүүлнэ" гэж мэдээллээ. 

Сэтгэгдэл ( 5 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
үнэн байдал (103.26.194.105)  2019 оны 03 сарын 29

хэдэн жилийн өмнө их хурлын гишүүн Арвин Бат үүлийг чи Зоригийн хэрэгтэй шууд холбоотой гэж их хурал дээр хэлж байсан. одоо батлагдаж байнаа даа

1  |  0
ням (150.129.140.57)  2019 оны 03 сарын 29

Тэдэнд харуулна гэдэг н бид үзнээ л гэсэг үг

5  |  0
Иргэн (59.153.113.173)  2019 оны 03 сарын 28

Тэднийг яг хүчний байгууллагынхан эрүүдэн шүүсэн нь бичлэгээс харагдаж байгаа юм уу? Шоронгийн хулгайчид л дарамталж зодож нүдсэн юм биш үү?! Зарим гишүүдийн ярилцлагаас тэгэж уншигдаад байх юм

0  |  2
Top