Жек Ма долоо хоногт 72 цаг ажиллахыг “Адислал” гэв

Э.Мөнхжин | Zindaa.mn
2019 оны 04 сарын 16

Хятадын толгой баян Жек Ма-г ажилчдаа мал шиг зардаг, хөдөлмөрийг нь шулдаг, амраадаггүй гэх мэтээр шүүмжлэгчид байдаг аж. Үнэхээр ч түүний үүсгэн байгуулсан Alibaba-гийн ажилчид 996 гэсэн журмыг хатуу барьдаг гэнэ.

996 гэдэг нь өглөөний 9 цагаас оройн 9 цаг /21 цаг/ хүртэл долоо хоногийн зургаан өдөрт ажиллана гэсний товч тодорхойлолт ажээ. Ингэхээр Жек Ма-гийн ажилчид долоо хоногтоо ердөө ганц хоног амраад эргээд ажиллахад хүрдэг байна.

Тэгвэл Жек Ма өөрийг нь хөдөлмөрийн хууль, хүний эрхийг ноцтой зөрчиж байна гэж шүүмжилсэнд дараах хариултыг  өгчээ.

“Аль болох олон цаг ажиллана гэдэг бол адислал. Ихэнх компанийн ажилчид 996 журмаар ажиллахыг хүсдэг ч, тэдэнд тийм боломж өгдөггүй. Залуу насандаа 996 ажиллахгүй юм бол ирээдүйнхээ төлөө та нар юу хийж чадах юм бэ?” хэмээн Жек Ма өгүүлсэн байна.

Жек Ма цагтаа англи хэлний жирийн нэгэн багш байсан гэдэг. Тэрбээр  “Амьдралаа өөд нь татахын тулд шаргуу хөдөлмөрлөх хэрэгтэйг би ойлгосон” гэж ярьсан нь бий.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин (182.160.39.179)  2019 оны 04 сарын 18

Буянгийн Жагаа, Гачууртын Чинбат, Алибабагийн Жак Ма гурав ажилчдаа илүү цаг бага цалингаар ажиллуулж мөнгө ахиу олдог менежменттэй захирлууд

0  |  0
Хөх толбот (64.119.27.55)  2019 оны 04 сарын 16

Хятад Монгол хоёр нэгдээд Жак Ма Жагаа Ян хоёрт захируулбал жинхэнээсээ улс шиг улс болохнээ.

0  |  0
Top