Гавьяатад үнэлэгдсэн Э.Батнямбуугийн ТЭСРЭЛТ

"Хувьсал" продакшны дэлгэцийн зургаа дахь уран бүтээл "Тэнгэрээс буусан од" уран сайхны киноны эсрэг дүр буюу "Лут"-ын дүрийг амьдруулсан гэрэлтүүлэгч, жүжигчин Э.Батнямбуу киночид хийгээд үзэгчдийн сонирхлыг ихээхэн татаад байгаа. Тэр дундаа Гавьяат жүжигчин У.Уранчимэгийн овоо хараанд өртснөөр түүнийг дэлгэцийн уран бүтээлд дүрээ мөнхөлж, дараа дараагийн уран бүтээлдээ ханцуй шамлан орсон гэж хэлж болно. Түүнийг онилсон дараагийн найруулагч бол Б.Чингүүн, тэрбээр саяхан нээлтээ хийсэн "Дэжа вү" уран сайхны киногоороо түүний өөр нэгэн төрхийг үзэгчдийн өмнө дэлгэн тавьжээ.