Монголчууд Буриадад осолд оржээ

ОХУ-ын Буриадын Улаан-Үдээс Хиагт орох замд энэ сарын 24-нд машины осол гарч, хүний амь эрсэдлээ.

Энэ сарын 24-ний шөнө Поворот тосгоноос зургаан км зайд “Toyota Corolla Fielder” машины 48 настай жолооч адуу мөргөж, осолджээ. Машинд сууж явсан 53 настай эмэгтэй хүнд гэмтэл аван, эмнэлэгт хүргэсэн ч нас барсан байна. Зам дээр морь гэнэт гарч ирсэн тул жолооч зайлж чадалгүй, мөргөсөн бололтой.

“Зарим эх сурвалжийн мэдээгээр осолдсон машинд Монголын иргэд зорчиж байжээ” гэж Ариг Ус телевиз мэдээллээ.