Хаш хил давуулах гээд баригджээ

ОХУ-ын хилийн Хиагт боомтоор 27.2 кг хаш чулуу Монголд оруулах гэж оролдсон Монголын нэгэн эмэгтэйг Хиагтын гаальчид илрүүлсэн байна.

Машиныхаа арын суудлын ард уутанд боон нуусан хаш чулууг рентген шалгалтын дүнд илрүүлж, хэрэг үүсгэн шалгаж байна. “Танихгүй хүн хаш чулуу Оросоос авчирвал шагнал өгнө  гэж хэлсэн. Хориглогдсон тул нуугаарай гэсэн" гэж мэдүүлжээ.

Хаш чулууг эрт үеэс гоёл чимэглэлд өргөн хэрэглэж ирсэн бөгөөд хөөрөг, гаанс, даалингийн тээг зэргийг хийдэг. Мөн гэдэс дотрын өвчнийг анагааж, цусан дахь өөх тос, сахарын хэмжээг бууруулдаг гэж үздэг.