Сүхбаатар дүүргийн гуравдугаар хороо, дулааны шугам сүлжээний худагт өчигдөр /2019.11.21/ халуун ус алдаж, хоёр хүн амиа алджээ.
Дулааны шугам сүлжээний худагт ус алдаж, дотор нь хоёр хүн байгаа талаар өчигдөр 19:32 цагт Сүхбаатар дүүргийн Онцгой байдлын хэлтэст дуудлага ирсэн байна. Нийслэлийн Аврах ангийн алба хаагчид 19:42 цагт очиход тухайн худаг халуун усаар дүүрч ажиллах боломжгүй байсан тул Улаанбаатар дулааны шугам сүлжээнээс шуурхай жижүүрийн багийг ирүүлж, тухайн шугамыг 20:05 цагт хаасан байна.
Худгийн халуун усыг мотопомп ашиглан соруулж, 21:30 цагт эрэгтэй, эмэгтэй хоёр хүний цогцсыг гаргаж авчээ. Цагдаагийн байгууллага нас барсан хоёр иргэний нэр, нас, харьяаллыг нь тогтоохоор ажиллаж байна.
Сэтгэгдэл ( 1 )
Эрэгтэй эмэгтэй 2 хүний хувцас мөн яс гэвэл бараг онох байхаа