Харригийн гэр бүл Канадад эрх чөлөөтэй амьдарч байна

Их Британийн ханхүү Харригийн гэр бүл хатан хааны гэр бүлийн гишүүдийн эрх, үүргээс татгалзсан билээ. Тэдэнд хүмүүс “эрхэм дээдэс” гэж хандахгүй ч Меган, Харри нар Сассексийн гүн, гүнгийн авхай гэх хэргэм зэргээ хадгалж үлдэх юм.

Тэгвэл 38 настай Меган Маркл, 35 настай ханхүү Харри нар Канадад аз жаргалтай амьдарч байна. Тэд Их Британийн хатан хааны гэр бүлийн эрх, үүргээс татгалзсаныхаа дараа анх удаагаа папарацуудын дуранд өртжээ. Сассексийн гүн, гүнгийн авхай хоёр онгоцноос буухдаа эд зүйлээ өөрсдөө барьж, инээмсэглэн ихэд жаргалтай харагдсан байна.

Тэд хувийн онгоцоор бус энгийн зорчигч тээврийн онгоцоор ниссэн бөгөөд хүүгээ ядраахгүйн тулд үлдээжээ.

Харри Канадад амьдарч эхэлснээсээ хойш найз нөхөдтэйгөө чөлөөтэй харилцаж, фээсбүүкийн чатыг ч ашигладаг болсон талаар найзууд нь ярьжээ.

Жүжигчин Марго Робби саяхан Харригийн гэр бүлийг Лос-Анжелесийн ресторанд оройн хоолонд урьснаас харахад Меган, Харри нар эгэл жирийн хүмүүс шиг эрх чөлөөтэй амьдарч эхэлсэн бололтой.