БНСУ Хойд Солонгосын дүрвэгсдийн эсрэг гомдол гаргажээ

Я.Болор | Zindaa.mn
2020 оны 06 сарын 10

БНСУ-ын үндэсний нэгдлийн яам прокурорын газарт хандан БНАСАУ руу ухуулах хуудас илгээдэг Хойд Солонгосын дүрвэгсдийн хоёр байгууллагын эсрэг гомдол мэдүүлэхээр болжээ. БНСУ-ын Засгийн газар Эрх чөлөөт Хойд Солонгосын төлөөх хөдөлгөөнүүдийн холбооны тэргүүн Пак Сан Хак болон “Кхынсэм” хөдөлгөөний тэргүүн Пак Чон О нарыг Солонгос хоорондын хамтын ажиллагааны тухай хуулийг зөрчсөн гэж буруутгаж, тус хоёр байгууллагын үйл ажиллагаа эрхлэх зөвшөөрлийг цуцлахыг шаардаж байна. БНСУ-ын Засгийн газар тус хоёр байгууллагыг ухуулах хуудас Хойд Солонгост илгээхдээ хил орчмын бүсийн оршин суугчдын аюулгүй байдлыг эрсдэлд оруулсан гэж үзэж байгаа аж.

Энэ сарын 4-нд БНАСАУ агаарын бөмбөлгийн тусламжтай Хойд Солонгосын нутаг дэвсгэрт ухуулах хуудас түгээхээ зогсоохгүй бол харилцаа холбоогоо тасална хэмээн сүрдүүлж, энэ сарын 9-нд хоёр Солонгосын харилцаа холбоог бүрэн тасалж буйгаа мэдэгдсэн билээ.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
zochin (103.26.193.148)  2020 оны 06 сарын 11

Delhiin numuusees icheesei. Neg undesten baitugai delhii niiteeree negdej biye biyenee hairlaj hundelj ,hund hetsuu tsagt biye biyendee tusalj demjeed baihad .

0  |  0
Su ah (202.179.27.31)  2020 оны 06 сарын 11

Ухуулах хуудас уршиг тарина гэдэг энэ дээ.

0  |  0
Top