ДОРНЫН ЗУРХАЙ: Эл өдөр хол газар яваар одогсод хойш мөрөө гаргавал зохистой

Билгийн тооллын Намрын тэргүүн хөх бичин сар ын 5, аргын тооллын наймдугаар сарын 23, Тэргүүн дагуул одтой шар нохой өдөр. Өдрийн наран 05:58 цагт мандаж, 19:51 цагт жаргана.

Тухайн өдөр бар, морь жилтнээ аливаа үйлийг хийхэд эерэг сайн. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, лус тахих, хүүхэд үрчлэн авах, гэр, байшингийн суурь тавихад сайн. Нүүдэл суудал хийх, хэрүүл тэмцэл хийх, цөөрөм байгуулахад муу.

Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой. Халуун эгэх улирал 0 цаг 50 минутад эхэлнэ. Үс шинээр үргээлгэх буюу засуулбал эд, мал арвидна.