Эзнийх нь өвчний талаар мэдсэн хулгайч машиныг нь буцаан өгчээ

Я.Болор | Zindaa.mn
2021 оны 01 сарын 23

Италийн Бари хотын цагдаа нар нэгэн эмнэлгийн гадаа хулгайлагдсан автомашиныг үлдээсэн байхыг илрүүлжээ. Ингэхдээ хулгайчид уучлал хүссэн зурвас суудал дээр нь үлдээсэн байсан гэнэ.

Энэ сарын дундуур хулгайлагдсан автомашины эзний охин өөрийн Facebook-ээр дамжуулан энэхүү автомашин нь склероз өвчнөөр шаналж буй ээжийнх нь цорын ганц тээврийн хэрэгсэл байсан гээд Fiat Doblò маркийн машин нь хөгжлийн бэрхшээлтэй иргэдэд зориулж тусгайлан тоноглогдсон гэж онцолсон байна. Тэрбээр машиныг нь эргүүлж өгөхийг хүссэн байна. Түүний пост олны анхаарлыг татсан бөгөөд хулгайчдад ч хүрсэн болж таарав. Хэдхэн хоногийн дараа машиныг олсон бөгөөд урд суудал дээр нь “Бидэнд ч зүрх бий. Уучлаарай, таны өвчний талаар мэдсэнгүй” гэсэн зурвас үлдээсэн байжээ.

Автомашины эзний гэр бүл энэ явдлын дараа орон нутгийн буяны байгууллагад зориулан хөгжлийн бэрхшээлтэй хүмүүст зориулсан автомашин худалдан авах зорилгоор хандив цуглуулж эхэлсэн байна.

Сэтгэгдэл ( 5 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Хөдөлмөрийн хүн (66.181.161.71)  2021 оны 01 сарын 27

Оффшорчид луйвардсан мөнгөө буцааж Монгол улсдаа өгөөчээ.

0  |  0
Хөдөлмөрийн хүн (202.126.88.72)  2021 оны 01 сарын 27

Манай Монголын төрд гарсан том хулгайчууд энэ үйл явдалыг дууриаж хулгайлсан хөрөнгө мөнгөө буцааж улс эх орныхоо өрийг дарж иргэдээсээ уучлал гуйгаасай.

0  |  0
sara (223.104.39.3)  2021 оны 01 сарын 24

ymar hoorhon yum be.setgel hodolchihloo.uilah nee bi

0  |  0
Уншигч (202.9.40.174)  2021 оны 01 сарын 25

Өө.энэ чинь их ухамсартай хүнлэг хулгайч бна.Энэ хулгайчийг Монголд уриад ЗГаа удирдуулвал хүн чанар нь зулгааж манай улсын хөрөнгө үрэгдэхгүй юм бна гүү

5  |  0
Зочин (192.82.69.43)  2021 оны 01 сарын 24

Манай одооныхоос л ухамсартай ху юм байна манайх ч бас тийм байсан биз хаяагаа хадрахгүй харснаа авахгүй гээд бас зүрх байсан юм шиг

1  |  0
Top