Байден БНАСАУ-ын эсрэг тавьсан хориг арга хэмжээг сунгав

АНУ-ын Ерөнхийлөгч Жо Байден БНАСАУ-ын эсрэг тавьсан хориг арга хэмжээний хугацааг сунгалаа гэж Цагаан ордноос мэдээлжээ.

Жо Байдены конгрессменүүдэд хандаж, илгээсэн захидалд Солонгосын хойгт цөмийн зэвсэг үйлдвэрлэхэд шаардлагатай материал дэлгэрэх аюул байгаа нь АНУ-ын хувьд ноцтой заналхийлэл болсон хэвээр байна гээд БНАСАУ-ын бодлого тус бүс нутгийн тогтвортой байдлыг алдагдуулж байна  гэж онцолжээ.

Энэ шалтгааны улмаас АНУ-ын Ерөнхийлөгч Хойд Солонгосын эсрэг тавьсан хориг арга хэмжээний дэглэмийг үргэлжлүүлэх шаардлагатай гэж үзэж байна гэж Байден онцолсон байна.