АНУ Өмнөд болон Хойд Солонгостой уулзалт хийнэ

2021 оны 03 сарын 24

АНУ үндэсний аюулгүй байдлын зөвлөхүүдийн хүрээнд БНАСАУ, Өмнөд Солонгос, Японтой уулзалт хийхээр төлөвлөж байгаа гэнэ. Энэ талаар Америкийн засаг захиргаан дахь өндөр албан тушаалын хүн мэдэгджээ. АНУ-д Хойд Солонгосын бодлогын талаар судалж, хэлэлцэж байгаа аж. Америкийн хэвлэлүүдэд мэдээлж байгаагаар уулзалт ирэх долоо хоногт болох гэнэ.

Жо Байден Пеньяны пуужингийн шинэ туршилтын талаар “БНАСАУ-ын үйлдэл өөрчлөгдөөгүй байна” гэсэн юм.

АНУ-ын Тагнуулын алба энэ сарын 17-нд “БНАСАУ АНУ-ын Ерөнхийлөгч Жо Байденыг үүрэгт ажилдаа орсны дараа пуужингийн анхны туршилтаа явуулахаар бэлтгэж байж магадгүй” гэж мэдээлсэн. АНУ-ын хэд хэдэн байгууллага хариу арга хэмжээ авах талаар зөвлөлдөж, Ким Жон Уныг пуужин юмуу пуужингийн хөдөлгүүр туршина гэж үзэж байсан билээ.

Жо Байден өмнөх Ерөнхийлөгч Доналд Трампын БНАСАУ-ын талаар баримталж байсан бодлогыг хянаж байгаа аж. Тэрбээр БНАСАУ-ыг цөмийн зэвсгээс бүрэн ангижруулахын тулд Трампаас өөр арга барил ашиглах гэнэ.

 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top