Хийн хоолойн төслийн 2022 оны ажлын төлөвлөгөөг хэлэлцлээ

2022 оны 02 сарын 10

Монгол Улсын нутаг дэвсгэрээр дамжуулан ОХУ-аас БНХАУ руу байгалийн хий дамжуулах хоолой барих төслийн хүрээнд өнгөрсөн онд хэрэгжүүлсэн ажлын тайланг тус төслийн удирдагч Л.Амарсанаа болон Тусгай зориулалтын компанийн гүйцэтгэх захирал Асеев Евгений Николаевич нар Шадар сайд С.Амарсайханд танилцуулж, энэ онд хийх ажлын талаар хэлэлцлээ.

Байгалийн хийн хоолойг Монгол Улсын нутаг дэвсгэрээр дамжуулах төслийн хүрээнд өнгөрсөн онд гурван томоохон ажлыг төлөвлөсөн нь биеллээ олсон юм. Тодруулбал, байгалийн хийн хоолойн зурвас газрыг тодруулах, ТЭЗҮ-ийг боловсруулж дуусгах, Тусгай зориулалтын компанид шаардлагатай зөвшөөрлүүдийг олгох байсан нь бүрэн дуусаж, дараагийн шатны ажил руу ороход бэлэн болоод байна.

Энэ онд уг төслийн хүрээнд инженер геодези, инженер экологи, инженер археологийн судалгааны ажлыг эхлүүлэхээр төлөвлөж буй аж. Уг ажлыг ирэх тавдугаар сараас эхлүүлэхээр бэлтгэл ажлаа хангасан бөгөөд арваннэгдүгээр сарын 30 гэхэд дуусгахаар төлөвлөжээ.

Уулзалтын үеэр Шадар сайд С.Амарсайхан төслийн багийнханд хандаж Монгол Улсын Засгийн газраас ажлын үр дүнд нь сэтгэл хангалуун байгаагаа илэрхийлээд, цаашид гарах хүндрэл бэрхшээлийг дор бүрд нь шийдвэрлэж, төслийг цаг алдалгүй үргэлжлүүлэх тал дээр анхаарч ажиллана гэдгээ хэлсэн юм. Харин Тусгай зориулалтын компанийн гүйцэтгэх захирал Асеев Евгений Николаевич “Бид өнгөрсөн жилийнх шиг хурдаар ажиллавал энэ онд илүү үр дүнд хүрэх боломжтой” хэмээгээд Монгол Улсын Засгийн газраас уг төслийг дэмжин ажиллаж байгаад талархаж буйгаа илэрхийллээ.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Дорж (202.21.109.81)  2022 оны 02 сарын 10

Хийн хоолой манайд огт хэрэггүй. Хий орж ирлээ гэж бодоё. Хийгээр юу хийх вэ? гэдэг асуулт. Хоол цай л буцалгана. Гэр хороололын дулааны асуудлыг огт шийдэхгүй. Хий орж ирсэн ч нүүрсээ түлсээр утаа хэвээрээ байх болно. Хийгээр дулаацана гэсэн тэнэг сэтгүйхээгээсээ салах хэрэгтэй. Хийг зууханд хийгээд түлж болохгүй. Хий тогноос хэд дахин үнэтэй. Одоо сүүлийн үед хий маш хямдхан гэж ард түмний тархийг угааж байна. Дэлгүүрт байдаг жижиг баллонтой хий одоо 3000 төгрөгний үнэтэй байгаа. 220 хон грамм нь шүү дээ. Үүгээр боорцог хайрхад 20-25 хан минут болоод дуусдагийм. Ингээд дүйцүүлээд бодоод үз

0  |  1
Иргэн (103.212.116.121)  2022 оны 02 сарын 10

Энэ Амарсайхан агаарын тээвэр гээд мөнгө үрээд байсан одоо хийн хоолой гээд баахан мөнгө үрэх бололтой.

0  |  0
Top