Антальяд болох ОХУ, Украины уулзалт ДЭВШИЛД ХҮРНЭ гэж найдаж байна

Турк улс энэ сарын 10-нд Анталья хотод хийхээр төлөвлөсөн ОХУ-ын Гадаад хэргийн сайд Сергей Лавров, Украины Гадаад хэргийн сайд Дмитрий Кулебагийн хэлэлцээгээр талууд дэвшилд хүрнэ гэж найдаж байна.

Туркийн Гадаад хэргийн сайд Мевлют Чавушоглугийн мэдээлснээр уулзалтыг Анталья хотод болох Дипломат форумын хүрээнд зохион байгуулахаар болж, талуудтай тохиролцсон байна.

Туркийн Ерөнхийлөгч Тайип Режеп Эрдоганы санаачилгаар зохион байгуулагдах тус уулзалт бүс нутгийн тогтвортой байдлыг хангахад хувь нэмэр оруулна гэж найдаж байна. Хамгийн гол нь цэргийн ажиллагааг зогсоох асуудал юм гэж  Чавушоглу онцолжээ. Тэрбээр тус уулзалтад мөн оролцох юм.