Испанид учир битүүлэг хепатитаар 20 гаруй хүүхэд өвджээ

Я.Болор | Zindaa.mn
2022 оны 04 сарын 29

Испанид 2021 оны арванхоёрдугаар сараас өнөөг хүртэлх хугацаанд гарал үүсэл нь тодорхойгүй элэгний хепатит өвчнөөр 21 хүүхэд өвчилжээ.

“El País” хэвлэлд мэдээлснээр, нийт тохиолдлын 18 нь 10-аас доош насны хүүхдүүд байна. Нэг хүүхдэд элэг шилжүүлэн суулгах шаардлага гарсан бол таван хүүхэд эрчим эмчилгээний тасагт эмчлүүлжээ.Дэлхийн эрүүл мэндийн байгууллага энэ сарын 26-нд үл мэдэх гарал үүсэлтэй элэгний хурц хепатитын тохиолдлуудыг судалж байгаа тухай мэдээлсэн билээ. ДЭМБ-ын мэдээллээр, дэлхий дахинд бүртгэгдсэн тохиолдлын тоо 190-д хүрээд байна. Үл мэдэх хепатитаар халдварласан үед элэгний ферментийн түвшин нэмэгдэж, ходоод, гэдэс хямрах, хэвлий орчим өвдөх, суулгах, бөөлжих зэрэг шинж тэмдэг илэрдэг байна.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top