Казахстанд өндрөөс унах гэж байсан охиныг аварсан залууд ГУРВАН ӨРӨӨ БАЙР өгөв
Казахстаны нийслэл Нур-Султан хотод энэ сарын 11-нд найман давхрын тагтнаас дүүжлэгдсэн байсан охиныг доод айлынх нь залуу аварсан билээ.
Тагтнаас дүүжлэгдсэн гурван настай охиныг аварсан 36 настай Сабит Шонтакбаевт гурван өрөө байр бэлэглэжээ.
Tengrinews.kz сайтын мэдээлснээр охиныг аврахад бас нэг залуу оролцсон бөгөөд түүнд бас байр бэлэглэжээ.
Сабит Шонтакбаев “Миний бүх зүйл сайхан байгаа. Надад гурван өрөө байр бэлэглэсэн барилгын компанийн оффисоос гарч ирлээ. Охиныг аврахад тусалсан найзад маань хоёр өрөө байр өгөхөөр болсон байна. Одоо бичиг баримтаа бүрдүүлж байгаа” хэмээн ярьсан байна.
Залуус руу танихгүй хүмүүс ч залгаж баяр хүргэж байгаа гэнэ.
Сабит Шонтакбаев “Танихгүй хүмүүс бүх л мужаас залгаж байна. Тусалж, дэмжсэн казахстанчууддаа баярлалаа. Бие биедээ сайхан зүйл хийх нь маш зөв юм” гэжээ.
Найман давхраас унах гэж байсан охины ээж Сабит руу залгаж, талархлаа илэрхийлсэн байна.
Охины эцэг, эх Сабит Шонтакбаевтай биечлэн уулзаагүй байгаа гэнэ.
Холбоотой мэдээ
Сэтгэгдэл ( 4 )
unen bol mundag yum. uneheer ali ali n uhej bolhor bsan
Урамшуулал гэж энийг хэлнэ. Манайд хүүхэд аварсан хүнд баярлалаа ч байдаггүй
Цонхны хаалт хийх нь хамгийн зөв залхууралгүй өөрсөө мөнгөө хармалггүй цонхонд оо тор хийчхэж байгаарай
Euro стандартаар цонхнуудаа нөгөө тийш нь онгойдог болнох хэрэгтэй. Хүүхэдтэй айлуудад аюулгүй