БНСУ ирэх сараас богино хугацааны аяллын виз олгож ЭХЭЛНЭ

БНСУ ирэх зургаадугаар сарын 1-ны өдрөөс эхлэн богино хугацааны аяллын виз болон цахим виз зэргийг олгож эхэлнэ гэдгээ өнөөдөр (2022.05.19) мэдэгдлээ. 

Хоёр жил гаруйн хугацаанд тасалдаад байсан аялал жуулчлалын салбараа сэргээхийн тулд ийн шийдвэр гаргасан тухай тус улсын Хууль зүйн яамнаас мэдэгдсэн бөгөөд дараах ангиллын визийг жуулчдад олгож эхлэх гэнэ. 

Тухайлбал богино хугацааны С-3 виз нь аялах, дамжин өнгөрөх, хамаатан садныдаа зочлох болон үүнтэй төстэй шалтгаанаар тус улсад 30 хүртэлх хоногийн турш байх эрхийг олгодог бол цахим визийг авьяас чадвар өндөртэй хүмүүс болон групп жуулчдад олгодог байна. 

Гадаад жуулчдын урсгал нь дотоодын эрэлт хэрэгцээг нэмэгдүүлж, холбогдох үйлдвэрүүдийг идэвхжүүлдэг тул ажлын байрыг нэмэгдүүлэх гол түлхэц болно хэмээн холбогдох яамны ажилтан мэдээлжээ. 

Эх сурвалж: Ёнхап