Амгалан Базархандаев: Буриадад оюутны хотхон байгуулах нь эдийн засгийн хувьд ч ашигтай

Буриад улсад бүс нутгийн хамгийн том оюутны хотхон байгуулахыг ОХУ-ын Ерөнхийлөгч дэмжсэн билээ.

Владимир Путин энэхүү ажилд холбогдох бичиг баримтыг бүрдүүлэхэд ОХУ-ын Шинжлэх ухаан, дээд боловсролын сайд В.Н.Фальковыг Буриадын тэргүүнд туслуулахаар Улаан-Үд хот руу томилох үүрэг өгсөн байна.

Тэгвэл Россотрудничество агентлагийн Монгол Улс дахь төлөөлөгчийн газрын тэргүүн, Улаанбаатар дахь Русский домын захирал Амгалан Базархандаев Буриадын Тэргүүн Алексей Цыденовтой хийсэн уулзалтынхаа дараа бүс нутгийн хамгийн том оюутны хотхон байгуулах талаарх байр сууриа ийнхүү илэрхийллээ.

Россотрудничество агентлагийн Монгол Улс дахь төлөөлөгчийн газрын тэргүүн “Мэдээжийн хэрэг, энэ нь эдийн засгийн хувьд ч, боловсролын хувьд ч ашигтай юм. ОХУ-ын тэргүүлэх их, дээд сургуулиудад суралцах нэгдүгээр дамжааны оюутныг чанартай бэлтгэх боломжтой болно. Түүнчлэн Буриадын Тэргүүний зүгээс Монголын ЕБС-дад орос хэлний багш нарыг бэлтгэн сургах, Буриадын боловсролын байгууллагуудад Монголын багш нарыг дадлагажуулахад буцалтгүй тусламж, тэтгэлэг үзүүлэхээр зорьж буйгаа илэрхийллээ” гэв.

Амгалан Базархандаевын хоёрдугаар сард Буриад Улсын тэргүүн А.С.Цыденовтой уулзахдаа илэрхийлсэн санаа Монголд орос хэл болон Оросын боловсролыг дэмжихэд нэгэн төрлийн том түлхэц болсонд өөрийн зүгээс маш их баяртай байгаагаа илэрхийллээ.

Тэрбээр “Дэмжсэн Буриад улсын Тэргүүнд гүнээ талархаж байна” хэмээн Фэйсбүүк хуудсандаа бичжээ.