ОХУ-ын Гадаад хэргийн сайд С.В.Лавров Монголд айлчилж байна

Автор | Zindaa.mn
2022 оны 07 сарын 05

ОХУ-ын Гадаад хэргийн сайд Сергей Викторович Лавров ажлын айлчлал хийхээр өнөөдөр (2022.07.05) өглөө манай улсад хүрэлцэн ирлээ.
 

Айлчлалын хүрээнд Монгол Улсын Гадаад харилцааны сайд Б.Батцэцэг ОХУ-ын Гадаад хэргийн сайд С.В.Лавровтой хэлэлцээ хийнэ. Мөн Ерөнхийлөгч У.Хүрэлсүх, УИХ-ын дарга Г.Занданшатар, Ерөнхий сайд Л.Оюун-Эрдэнэ нарт ОХУ-ын Гадаад хэргийн сайд С.В.Лавров тус тус бараалхана.

Эдгээр уулзалтын үеэр Монгол, Оросын иж бүрэн стратегийн түншлэлийн харилцааг бодит агуулгаар баяжуулах төслүүдийг урагшлуулах, манай улсын эдийн засгийн чухал ач холбогдолтой зарим асуудлыг хэлэлцэхээр төлөвлөж байна.

Тухайлбал, Монгол, Оросын хилийн шалган нэвтрүүлэх боомтуудыг шинэчлэн өргөтгөх, “Алтанбулаг”, “Цагааннуур” чөлөөт бүсүүдэд оросын талаас хөрөнгө оруулалт хийн хамтарсан үйл ажиллагаа эрхлэх, газрын тосны бүтээгдэхүүний найдвартай нийлүүлэлтийг хангах, эрчим хүч, соёл, боловсролын салбарт хамтран ажиллах зэрэг асуудлаар талууд ярилцана.

Мөн олон улсын байгууллагуудын хүрээнд хэрэгжүүлж буй хамтын ажиллагаа, олон улсын харилцааны цаг үеийн асуудлаар талууд байр сууриа илэрхийлэх болно.

Сэтгэгдэл ( 4 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
зочин (66.181.166.196)  2022 оны 07 сарын 05

Монгол дахь оросын тавиул Женкотойгоо уулзах гэж ирж байна уу, одоо Женког тордоод тордоод өөдлөхөөсөө өнгөрсөн байх аа

0  |  5
zochon (172.58.160.63)  2022 оны 07 сарын 05

tsaraindaa bish tolgoindoo l uchir n bii.Delhiin tom diplomatch

4  |  1
zochin (73.111.180.213)  2022 оны 07 сарын 05

yamar ch tsaraitai bas xun shuu dee Ix gurnii deereesee 3daxy yamar ch baisan

2  |  1
Nora (185.17.14.179)  2022 оны 07 сарын 05

Mangar buldok nohoi shig tsaraitai armeni uvgun bas yaravgar

0  |  4
Top