Дайнаас хойш анх удаа Блинкен, Лавров нар 10 минут ярилцав

Я.Болор | Zindaa.mn
2023 оны 03 сарын 03

АНУ-ын Төрийн нарийн бичгийн дарга Энтони Блинкен, ОХУ-ын Гадаад хэргийн сайд Сергей Лавров нар Энэтхэгийн нийслэл Шинэ Дели хотноо болсон “Их 20” бүлгийн гадаад хэргийн сайд нарын уулзалтын үеэр 10 минут ярилцжээ. Энэ нь ОХУ Украинд түрэмгийлсний дараа болж буй тэдний анхны уулзалт байв.

Цагааны ордны мэдээлснээр, Энтони Блинкен ярилцлагын үеэр АНУ Украинд дэмжлэг үзүүлсээр байх болно хэмээн мэдэгдэж, стратегийн давшилтад зэвсгийг хязгаарлах тухай гэрээг хэрэгжүүлэх, Оросын шоронд хоригдож буй АНУ-ын иргэн Пол Уиланыг суллахыг уриалсан байна.

Сергей Лавров уулзалтын үеэр ямар асуудал хөндсөн талаар одоогоор хэвлэлд мэдээлэл өгөөгүй байна.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top