Илон Маск: Хүн амын хомсдолын эсрэг чадах бүхнээ хийж байна
.png)
Тэргүүлэх зэргийн тэрбумтан Илон Маск өнгөрөгч 2021 оны арваннэгдүгээр сард ихэр хүүхдүүдтэй болсон тухай мэдээлэл цацагдаж эхэлсэн. Ийнхүү 10 хүүхэдтэй болоод байгаа тэрээр твиттер хуудаснаа "Хүн амын хомсдолын эсрэг чадах бүхнээ хийж байна. Төрөлтийн түвшин буурч байгаа нь өнөөгийн соёл иргэншилд тулгараад буй хамгийн том аюул" хэмээн бичсэн нь шуугиан тариад байна.
Илон Маскын ихэр хүүхдүүдийн ээж болох Шивон Зилис түүний шилдэг туслахуудын нэг бөгөөд экс найз бүсгүй Гримсийг амаржихаас ердөө долоо хоногийн өмнө амаржжээ.
Дэлхийн хүн ам улам олон болох хэрэгтэй хэмээн үздэг Илон Маск одоогоор жүжигчин Наташа Бассеттэй болзож буй.
Түүний анхны эхнэр болох Жастин Уилсоноос төрсөн том хүү нь 2002 онд төрсөн ч ердөө 10-хан долоо хоногийн дараа нас баржээ. Үүний дараа 2004 онд хоёр ихэр, 2006 онд гурван ихэр хүүхэдтэй болсон. 2020 болзоот бүсгүй Гримсээс хүү, 2021 онд анхны охин нь мэндэлсэн бол 2021 оны 11 сард туслах Шивон Зилисээс ихэр хөвгүүд нь мэндэлсэн билээ.
Холбоотой мэдээ
Сэтгэгдэл ( 0 )