21 жилийн өмнө банкны ажилтан хөнөөж, мөнгө хулгайлсан сэжигтнүүдийн мэдээллийг ДЭЛГЭЛЭЭ

Хорь гаруй жилийн өмнө банкны ажилтныг хөнөөж, 300 сая вон хулгайлаад зугтсан хоёр этгээдийн хувийн мэдээллийг цагдаа нар өнгөрөгч мягмар гарагт олон нийтэд ил болголоо. 

Уг хэргийг 52 настай И Сын Ман, 51 настай И Жун Хак нар үйлджээ. Сэжигтнүүдийг өнгөрсөн долоо хоногт ДНХ-ийн тусламжтайгаар илрүүлэн дээрэм, хүн амины сэжигтнээр татан баривчилсан байна. 

Сэжигтнүүд 2001 оны арванхоёрдугаар сарын 21-ны өдрийн 10 цагийн орчимд "KB Kookmin" банкны салбар дахь зогсоолд 40 орчим насны банкны ажилтныг буудан, 300 сая гаруй вон хулгайлан зугтсан аж. 

Хохирогч хүнд гэмтэл аван эмнэлэгт яаралтай хүргэгдсэн ч нас баржээ. Хэргийн газраас сэжигтнүүдийн хурууны хээг олж чадаагүй бөгөөд машиныхаа шилэнд тен наасан учир тэднийг харах боломжгүй байсан тухай тэмдэглэгдэн үлджээ. 

Цагдаа нар уг хэргийг дахин шалгах тусгай баг байгуулан хэргийн газраас олдсон ДНХ-тай таарч буй сэжигтнүүдийг саатуулан баривчилснаар уг хэргийг үйлдсэн этгээдүүд баригджээ.