Ингушетэд дайчилгаанд хамрагдсан хүмүүсийн ар гэрт ГАЗАР АМЛАЖЭЭ

Автор | Zindaa.mn
2022 оны 10 сарын 25

Ингушетэд цэргийн хэсэгчилсэн дайчилгаанд хамрагдсан хүмүүсийн ар гэрт газар амлаж байгаа талаар тус бүс нутгийн тэргүүн Махмуд-Али Калиматов мэдэгджээ.

Тэрбээр “Ингушетээс дайчилгаанд хамрагдсан хүмүүсийн гэр бүлийг газраар хангах шийдвэр гаргалаа. Энэ нь тэдэнд том дэмжлэг болно” гэж Телеграмдаа бичсэн байна.

Түүнчлэн дайчлагдсан хүмүүс болон тэдний гэр бүлийн гишүүдэд Ингушетийн улсын их сургуульд элсэхэд онцгой хөнгөлөлттэй нөхцөлийн талаар Ингушетийн улсын их сургуулийн ректор Фатима Албаковатай зөвшилцжээ.

Тэрчлэн ийм хөнгөлөлтийг 2022-2024 онд хугацаат цэргийн алба хаах залуус эдлэх боломжтой болсон байна.

 

 

 

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
зочин(59.153.115.129) 2022 оны 10 сарын 25

үнэгүй зүйл юу байхав дээ зөв л байна даа

0  |  0
Top