Хөгжмийн зохиолч Анжело Бадаламенти таалал төгсжээ

Алдарт “Twin Peaks”, “Lost Highway”, “Arlington Road” зэрэг олон киноны хөгжмийг зохиосон Анжело Бадаламенти 86 насандаа таалал төгсжээ.

Хөгжмийн зохиолч Нью-Жерси дэх гэртээ энэ сарын 11-нд таалал төгссөн талаар “The Hollywood Reporter” мэдээлсэн байна.

Бадаламенти найруулагч Дэвид Линчтэй хамтран ажилласан бүтээлүүдээрээ илүү алдаршсан билээ. Тэрээр “Грэмми”-гийн шагналтай, “Эмми”-д гурван удаа нэр дэвшсэн уран бүтээлч юм.

Хөгжмийн зохиолч мөн Пол Маккартни, Дэвид Боуи, Нина Симон, Ширли Бэсси, Патти Остин зэрэг алдартай уран бүтээлчидтэй хамтран ажилладаг байв.