Япон Хятадаас ирэх зорчигчдоос ковидын шинжилгээ авна

Японы Засгийн газар энэ сарын 30-аас эхлэн Хятадаас орж ирж буй бүх зорчигчоос коронавирусний шинжилгээ авах шийдвэр гаргажээ.

Энэхүү шийдвэр нь Хятадын хотуудад ковидын халдварын тархалт эрчимжиж буйтай холбоотой гэж тус улсын Ерөнхий сайд Фүмио Кишида мэдэгдсэнийг Киодо агентлаг уламжилсан байна. Энэхүү шаардлага нь Хятадаас ирж буй болон тус улсад сүүлийн долоо хоногт зорчсон бүх хүмүүст хамаатай.

БНХАУ-ын эрх баригчид ирэх оны нэгдүгээр сарын 8-нд хилээ нээж, халдвар хамгааллын дэглэмийн арга хэмжээг цуцлах тухай мэдэгдсэнтэй холбогдуулан Японы Засгийн газар ийм алхам хийж байна гэж тайлбарлажээ.