ЛГБТК+ наадмын үеэр цагдаа нар эрх мэдэлтнүүдийн эсрэг тэмцэв

Зургаадугаар сарын 17-ний өдөр Өмнөд Солонгосын Дэгү хотод жил болгон уламжлал болгон зохион байгуулагддаг ЛГБТК+ бахархлын наадмын үеэр эрх мэдэлтнүүд болон цагдаа нарынх хооронд маргаан үүсжээ.

Тус хотын дарга Хон Жүн Пё тэргүүтэй эрх мэдэлтнүүд бахархлын наадмын зохион байгуулагчдын машиныг зогсоож эхэлжээ. Энэ үеэр цагдаа нар эрх мэдэлтнүүдэд ингэж болохгүй тухай учирлахад хотын захиргааны ажилчид цагдаа нартай маргалдаж эхэлсэн байна. Үүнээс үүдэн цагдаа нар хууль ёсны эрхээ эдэлж буй зохион байгуулагчдын эрхийг хамгаалахын тулд хотын захиргааны ажилчдыг албадан тараах шаардлага үүсжээ. 1000 гаруй цагдаа бахархлын наадамд оролцогчдыг хамгаалахын тулд хотын захиргааны ажилчидтай тэмцсэн байна. 

Хон Жүн Пё татан буугдсан Консерватив эрх чөлөө намын дарга байсан нэгэн. ЛГБТК+-ийн эсрэг үзэл суртлыг дэмждэг гэдгээрээ алдартай тэрээр Дэгү хотод тус наадам зохион байгуулагдахаас өмнө хотын бизнес эрхлэгчид болон сүмийн удирдагч нарт "Daegu Queer Culture Festival"-ыг тэмдэглэхийг хориглосон захирамж хүргүүлжээ. 

Гэвч шүүхээс хүний үзэл бодлоо илэрхийлэх эрх чөлөөг хаах боломжгүй хэмээх шийдвэр гаргаснаар "Daegu Queer Culture Festival"-ийг зохион байгуулах эрхийг өгчээ. "Daegu Queer Culture Festival" нь тус улсын бахархал болсон арга хэмжээнүүдийн нэг. 2009 оноос эхлэн зохион байгуулагдсан тус наадмыг эсэргүүцэгчид олон бий. 2014 онд орон нутгийн сүм хийдүүд зэрэг нийт 28 бүлгүүд нэгдэн тус арга хэмжээг цуцлах хороо байгуулж байжээ.