SQUID GAME | Реалити шоу арваннэгдүгээр сард үзэгчдийн хүртээл болно

Найруулагч Хван Дун Хёг болон Netflix-ийн бүтээл "Squid Game" кино дэлхий даяар хит болсон. Netflix-ийн зүгээс тус киноны бодит хувилбар буюу "Squid Game: The Challenge" реалити шоуг зохион байгуулна гэдгээ өнгөрсөн онд мэдээлж байсан. Тус шоуны зураг авалт өнгөрсөн оны арванхоёрдугаар сарын 23-нд Лондон хотоос хойд зүгт байрлах Кардингтон студид эхэлжээ. 

Netflix-ээр цацагдах энэхүү реалити шоуны ялагч түүхэн дэх хамгийн өндөр мөнгөн шагнал болох 4.56 сая ам.доллар буюу ойролцоогоор 16 тэрбум төгрөгийн эзэн болох аж. Нийт 456 оролцогч энэхүү мөнгөн шагналын төлөө өрсөлдөнө. 

"Squid Game: The Challenge" реалити шоу ирэх арваннэгдүгээр сарын 22-ний өдрөөс эхлэн үзэгчдийн хүртээл болох гэнэ. Нийт 456 оролцогч хөлдөөгчний температурт 4.56 сая ам.долларын төлөө өрсөлджээ. Тоглоом цувралын нэгэн адил "Улаан гэрэл, ногоон гэрэл" тоглоомоор эхэлсэн тухай оролцогчид дурдсан байх бөгөөд хэд хэдэн оролцогчдын биеийн байдал муудсан тухай мэдээлэл мөн цацагдсан билээ.