Израил Газын зурвас дахь эмнэлгүүдийн ойролцоо ЦОХИЛТ ӨГӨВ

Израилийн Агаарын цэргийн хүчин Газын зурвас дахь хоёр эмнэлгийн ойролцоо цохилт өгчээ.

Тус улсын Агаарын цэргийн хүчин Газын зурвасын нутаг дэвсгэрт орших, шархадсан хүмүүсийн байрлаж байсан Аль-Шиф эрүүл мэндийн цогцолбор болон Аль-Кудс эмнэлгийн ойролцоо цохилт өгсөн талаар олон улсын хэвлэлүүд мэдээлж байна.

Энэ талаар “Al-Jazeera” суваг Палестины мэдээллийн WAFA агентлагийн мэдээн дээр үндэслэн мэдээлэхдээ, Аль-Шиф эрүүл мэндийн цогцолборын ойролцоо хэд хэдэн пуужин унасныг онцолсон байлаа.

Тус эмнэлэгт Газын зурвас даяар шархадсан хүмүүсийг эмчилж байжээ. Түүнчлэн Таль-эль-Хав дүүрэг дэх Аль-Кудс эмнэлгийн ойролцоо цохилт өгсөн байна.

Үүний өмнө Израил улс барьцааны хүмүүсийг солилцох хэлэлцээрийн үеэр ч галаа зогсоохгүй гэсэн талаар CNN агентлаг мэдээлж байсан юм.

Түүнчлэн Израилийн Агаарын цэргийн хүчний цохилтын улмаас дүрвэгсдийн Жабалиа хуаранд амиа алдсан хүний тоо 30-д хүрсэн байна.