Трамп сонгуулийн сурталчилгааны санхүүжилтийн асуудлаар Масктай уулзсан уу

АНУ-ын Ерөнхийлөгч асан Доналд Трамп тэрбумтан Илон Масктай уулзсаныг Блүмберг агентлаг онцлон мэдээлжээ.

Уулзалтын талаарх нарийн мэдээлэл дурдаагүй ч эл уулзалт нь Доналд Трамп сонгуулийн сурталчилгаандаа зориулж хандивын хөрөнгө босгох зорилгоор доноруудыг татахыг хичээж байгаа үед болсныг тус агентлаг онцолжээ.

“The New York Times” хэвлэлд мэдээлснээр, Маск Трампын сурталчилгаанд хандив өргөх эсэхээ шийдээгүй байна. Олон нийтийн сүлжээнд тавьсан постуудаас нь үзвэл Маск Цагаан ордны тэргүүн Жо Байденыг ялуулах сонирхолгүй байгаа. 200 тэрбум ам.долларын хөрөнгөтэй Маск Трампын дэмжвэл Байдены санхүүгийн асар их давуу талыг үгүй хийх боломжтой гэж тус хэвлэл бичжээ.