Чингэлэг ачсан хөлөг гүүр мөргөж, 6 хүн сураггүй боллоо

Ж.Сондор | Zindaa.mn
2024 оны 03 сарын 27

 

АНУ-ын Мэрилэнд муж дахь Балтимор хотын боомтын Фрэнсис Скотт Кей гүүрийг 5000 орчим чингэлэг ачсан ачааны хөлөг мөргөсөн осол гарчээ.

Энэхүү осол орон нутгийн цагаар 26-ны өдрийн 01:00 цагийн орчимд болжээ. Балтиморын боомтоос хөдөлсөн ачааны хөлөг онгоц ойролцоогоор 14.8 км цагийн хурдтай явж байсан бөгөөд гүүрний гол хэсэгт байрлах баганыг мөргөснөөр энэхүү осол гарсан тухай эх сурвалжууд мэдээлсэн байна. 

Хөлөг онгоц жолоодлогогүй болсны улмаас уг гүүрийг мөргөсөн гэх мэдээлэл байна. 2.6 км үргэлжлэх уг гүүр голоороо хугарч бүрэн нурсан бөгөөд ойролцоох газруудад газар хөдлөлттэй ижил чичирхийлэл мэдрэгдсэн тухай иргэд мэдээлжээ. 

Ослын үеэр уг гүүрэн дээр замын ажил хийж байсан 8 хүн байсан. Эдгээрээс хоёрыг нь аварч чадсан бол үлдсэн зургаа нь сураггүй алга болжээ. Албаныхан эдгээр хүмүүсийг нас барсан байх өндөр магадлалтай хэмээн үзэж байгаа тухай эх сурвалжууд мэдээлсэн байна. 

 

 

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
зочин (103.212.162.178)  2024 оны 03 сарын 28

Харамсалтай

0  |  0
зочин (202.179.24.127)  2024 оны 03 сарын 27

хөлөг онгоцыг жолоодож явсан хоёр хүний мэдээлэл гарсан нэг нь украйн хүн, биеийн байцаалтынх нь зураг гарсан

0  |  0
Зангараг (59.153.112.16)  2024 оны 03 сарын 27

Хөлөг онгоцны ахмад тэнэг новш байж.

0  |  0
Top