G-Dragon-ий студи дахь "этгээд" амьдрал

Дуучин G-Dragon өөрийн амьдралын хэв маягийг харуулсан зургуудаа дэлгэжээ. 

Өөрийн хувийн аккаунтаараа дамжуулан цацсан энэхүү зургууддаа ямар нэгэн тайлбар бичэлгүй цацсан тэрээр шалан дээр хэвтэж, газраар алдартай брэндийн эдлэл, хэрэгсэл хөглөрсөн байх нь олны анхаарлыг ихээр татсан байна. Дээрх зургууд нь түүний дуу бичлэгийн студи дахь зургууд юм. Студи дээрээ ийнхүү замбараагүй байх нь магадгүй түүний онгодыг хөглөдөг байж ч мэднэ.

Долоон жил завсарласны эцэст урлагт эргэн ирж буй тэрээр тун удахгүй шинэ цомгоо шүтэн бишрэгчдэдээ танилцуулах гэж байгаагаа зарласан бөгөөд өнгөрсөн сард гарсан POWER дуу нь дэлхий даяар хит болоод байгаа билээ.  

Тэрээр мөн энэ сарын 23-нд зохион байгуулагдах MAMA шагнал гардуулах ёслолд оролцохоор болсон байна.